Die Dorfspatzen erinnerten an Matthias im Jahre 1981 mit diesem Lied:

Der Müllenholz Matthias*

Jeden Daach, ob bei Wend oder Wedder,
kom er bei uns dorch et Kirchspell jerees,
die Häng op däm Röck, met sich sellevs am redde,
su kannt en jeder bei uns he en Plees.

Jo, der Müllenholz Matthias, dat wor en Orijinal.
Ob Alt oder Jung, me kannten en all.
Met däm Müllenholz Matthias, do jing e Stöck von Plees.
Er bliev unverjesse, dat es janz jewess,
jo, er bliev unverjesse, dat es janz jewess!

Vür jedem Bejrävnis, do kom er bestelle,
wer wann un wo de Döpp zojemaach.
Op däm Jebiet wor der Mattes schwer helle,
do hät em kehne jet vürjemaach.

Noh jedem Bejrävnis, do jitt et jo Kaffee,
do wor der Matthias todsicher dobei:
Noh zehn Stöckche Taat un aach haleve Brüütche
als Mareschlössje e hatt jekoch Ei.

Jo, der Müllenholz Matthias …

Sing Bank en de Kirch bliev en Zukunf wohl leddich,
Er hät op die Rees sich no bovve jemaach,
doch bränk er mem Petrus et sicherlich fäädich,
dat der em et Himmelspöötzje opmaach.

Jo, der Müllenholz Matthias …


*zu singen auf die Melodie des "Angler-Leeds" der Bläck Fööss


Tschüss, Matthias!